Sipa mun, stori ak be abaot tumen.
Tumen xil labe hip ladi. Ladi ma... labitene ale xil mun lapolni sem na neta tang labit lapolni ti nahou nai.
Ale laba ba laleh huram ai. Lammei mei ladin huram ai ma meses.
Di, ale tumen xil vus xil xa tumen eh tumen eh huram ai mieh kestang, eksep mai an pipili.
Ale lalehi laba ma labitene, "Ale riha ma riti igak, rilas nahou nar igak. Ale rileh anien ar ha risoni iti igak e xir ti rilas."
Ale ba laling anien ae di.
"Ti ha rilas, ma rikila xa be lans taem, rimmei mei ria anien ar."
Laba ba lalas. Lalas lalas lalas lalas mo...
Bus ma tei xil bitene "Ale lans taem turei xie va ravanien."
Xil di labe kohet ni lasen, e asu asu bemei mei ga na huram a na mai, ngan pipili vari.
Mei mei miga na huram a mai, pipili vari, gani ma...
Xil lamue neta, lalas ma bus, labit va lavanien.
Laba ba labe jekem anien ae, tumen xil vus xil ak anien ai huram ai di tang, e mai iaxa an mue neta, be nout.
Ma ale labe pet "visi xa ga huram an na mai?"
Lasisi lasisi lasisi ma bus di. Di xil ti taaviteni ma di e di lasepin mi xil mak.
E labit ti limen mani e asu vengan xa xi trapol meka. Taem xa oling anien am da xavi, da xavi asu imas ha iani. Asu taave joen ti e krup ak e xi ba, ba ga anien ai. Xil labit mei lavanien e xi de insaet.
Lasak lasak ma lapusi xa asu men. Men e saxut na neta huram an na mai pipili de luhon.
Ma labit "Asu, xouk iaxa oga na neta huram an na neta, mai. Iaxa mue neta iaxai mue, omen e de na luhom."
Xi bitene "Iou, inou nagani; inou mun nammei nalong mae gat nou tang, ma nagani."
Mai ba ba migur liei tei bemei, mei bas asu tang.
Opus vari ni xa asu, xalen daen xie, asu xalen tehe tovuol tete mak tamu, teta papasi tang ma opus liei na liei vari mikili de xalen pihaen, de pihaen xie ma xa be xalen vari xie.
Ma stori nar ba bus xitak, sipa mun.