1 Isit Siboro Tol. Madleen Ben. 20141212g_p01s046.
Na, neta, tumulien tena siboro. Lapis siboro isite tol.
Ngan xa diamu, ma lapisi mak. Da ni rin nga tang mak. Mak, di, mak tang. Di ak, abuluni tang mak. Nganak be ngan diamu nen, nen diamu nen xiak.
E ngan xa be lu nen, nou natte Penapo, ma di napis ni mak, mak. Nganak ngan xa be lu. Di apolni mak, aso ramute de heilep. Di abuluni mak. E taem, melele xa inou nammei igak labiteni, tawi Pilaet bitene "E, anapis siboro ti nga merei e opis siboro ixoni nganak." Ma piseni minou iaxa xa napisi ni diamu.
E ngan be tol nen ma Lemaku piseni. Mak, mak. Miden metihol be tin be holu e heilep mu sevivi nen xil, mak. Polni na siboro tena maniok, polni siboro tena viak. Be eilep; be nitim viak ihe holu iha en. Ma tawi Lemaku polni mak; nganak be siboro xa be tol. Di misalele ni be eilep, mak, mak. Ouk, labit lapis xole xiak. Di mileh ramute, misoni di heilep nen mak. Di ouk buluni. Polni mak siboro ak teviei, teviei; agani bos xa bos.
Be na tumulien tena siboro; ngan be tol nen xiak. Sipa mun.